5-қыркүйек «Қазақстан халықтары тілдері күні»
Биылғы жылы 5 –қыркүйек - Қазақстан халқы тілдері күні болып бекітілуіне байланысты, біздің мектебімізде 5-қыркүйек пен 22-қыркүйек аралығында осы мерекенің аясында атқарылатын іс-шаралар жоспарланды. Мектеп ұжымымен ауылымыздың «Достық» үйі бірлесе отырып 5-қыркүйек күні Ұлт ұстазы Ахмет Байтұрсынұлының туған күніне және Қазақстан халқы тілдері күніне арнайы дөңгелек үстел ұйымдастырылды. Дөңгелек үстелге ауылымыздағы өзге ұлт өкілдері және мектеп мұғалімдері мен оқушылары қатысты. «Достық» үйінің төрағасы М.Б.Сукалов, С.Н.Лузанова, қазақ тілі пәні мұғалімі және оқу тәрбие орынбасары Ш.А.Абдрашева, ардагер ұстаз Сара Ажибаевна мектеп оқушылары Сукалова Хеда, Қудабаева Надия, т.б оқушылар өз ой пікірлерімен бөлісті. 9-11 сынып оқушылары көрермен ретінде қатысып, жақсы тағылымды әңгімелермен сусындады. Дөңгелек үстел жоғары деңгейде өтті.